بقلم ايمان حجازي الجزء الثاني 2

 

الشهر ولا السنه !! .. لما يحصل خمسه او سته حالات وفيات في اليوم حد هيشتكي !! حد هيسأل هما ازاي ماټو ولا هيدور اصلا !! .. لا طبعا ده قضاء ربنا وقدره .. ولا هتعارضو طبيبه القلوب...!! 
ادركت أولفت مقصده لتبتسم هي الاخري في حماس يااااه دا علي كده المكسب هيبقي كبير قوي 
اجابها ناجي في زهو طبعاااا.. عشان كده برنامج مصر ده اهم برنامج عندي عن الدول التانيه .. هناك لو كنا بنقدر نسرق چثه او اتنين في الشهر عشان المراقبه والناس اللي ممكن تدور .. هنا ممكن ناخد اضعافهم في اليوم .. فهمتي !!

تقدمت اولفت وهي تحضر كأسين من الخمر وتناوله ايااه في نهم طبعا .. 
سألها ناجي في اهتمام اي اخبار العلاج اللي بتاخده !!
ابتسمت اولفت بثقه وهي تناوله متخافش .. كل حاجه تحت السيطره وزي ما احنا مخططين 
ثم خبطتت بالكأس الذي بيديها للكأس الخاص به قائله في صحتك !!
اشار بيده اليها نافيا في صحه نهايه مرام زكريا الفداء
قهقهت أولفت في انتصار والحق بها ناجي وهما يتواعدان لمرام وعبدالله .... ونهايتهم ...
تحبي اي مساعده !!
قالها عبدالله الي مرام وهو يدلف باب المطبخ فجأه لتنتبه له مرام وتستدير اليه متشكره يا فندم .. تعرف عني اني محتاجه مساعده في المطبخ !! .. ولا انت نسيت !! 
تقدم اليها وهو يبتسم في حنان وفخر لا طبعا .. وعمري ما انسي .. ولا عايز انسي اي لحظه عشتها معاكي يا مرام 
تركت مرام ما بيدها ونظرت اليه في شوق .. وعتاب .. وحب .. شعر عبدالله بأن الموقف سيتخذ اتجاها هو غير مستعد له علي الاطلاق فحاول تغيير دفه الحديث قائلا يلا خلصي بسرعه الكاب كيك ده عشان مش قادر اصبر 
ثم هم بالخروج من المطبخ تاركا اياها ولكنه توقف فجأه حين شعر بيديها تمسك بيديه وتوقفه من الخلف .. استدار اليها في حزن ليري بعينيها نظره لا يفهم مغزاها من صعوبتها .. اهي نظره الم .. شوق .. حنين .. لوم .. عتاب .. تداخلت مشاعره وهو يفسر نظرتها له .. والشئ الذي صعب موقفه اكتر هو الدموع التي هبطت من مقلتيها ويديها التي امسكت بيديه في ترجي وهي ترتجف بين يديه .. اقترب منها عبدالله وهو ينظر اليها بأسف .. لتباغته مرام فجأه وهي تلقي بنفسها بين ذراعيه وتبكي بكاء مرير وكأنه تلقي كل ذكرياتها المؤلمھ والعڈاب التي مرت به بين ذراعيه لتهتف من بين شهيقها هنت عليك يا عبدالله !! .. هنت عليك تسيبني !! 
ضمھا عبدالله بشده اكبر وهبطت دموعه رغما عنه هو ايضا قائلا في تأثر شديد ڠصب عني يا مرام .. والله العظيم انا عندي اموت ولا اني اسيبك يا حبيبه قلبي .. سامحيني ..يا اجمل ما شافت عنيا 
رددت وهي تحاوطه بعمق ورغبه شديده صعب عليا .. صعب عليا قوي يا عبدالله اني اسامحك .. انت چرحتني اوي .. 
امسك عبدالله برأسها بين يديه وهو يحاول رفع وجهها لتتقابل عينيهم ويردد عبدالله في الم مش عايزك تسامحيني لحد ما ييجي اليوم اللي ابررلك فيه .. لكن اللي عايزك تعرفيه .. ان والله العظيم انا ما بعدت عنك بقصدي .. والله العظيم ان قلبي عمره ما دق لحد غيرك ولا يقدر يعملها ولو بعد مېت سنه .. هتفضلي انتي وبس بنتي
وحبيبتي والوحيده اللي اخدت قلبي ومعرفتش أطلعه منها 
علي الرغم من انها تريد ان يخبرها حقيقه هجره لها ولكنها شعرت بصدق كلماته فأندفعت مره اخري تعانقه بعمق وشده ليضمها هو الاخر بحب جارف... وصمت يتحدث عن العشق الذي جمع بينهم .. العشق الذي لم تكتب سطور اكتماله بعد..

ليشعر عبدالله بعد فتره قصيره بثقل جسم مرام بين يديه وجسدها ينتفض بقوه شديده ووجها يتحول الي الزرقه .. والشئ الذي زاد من قلقه وارعبه بشده .. هو ذلك السائل الذي اخذ يتدفق من فمها بين انتفاضها الي ان تحول لدم....

الفصل الحادي عشر
الجزء الثاني
حلقه 11
بقلم إيمووو
قتلني ما جعلتني اشعر به ورغم ذلك احن لك واشتاق لعناق منك لروحي كي تحيا..
دلفت ايمان ڤيلة عمها لتجد كل من عمر وعمها جالسين بغرفه الطعام وزوجه عمها تجهز مائده العشاء بمساعده خادمه لها .. القت عليهم تحيه المساء وكادت ان تدلف غرفتها الي ان ناداها عمها غيري هدومك يا بنتي وتعالي عشان تتعشي 
اجابته بنبره حزينه وهي تنظر اليهم مليش نفس يا عمي .. اكلت الصبح لما اكتفيت .. عن اذنكم 
ازدادت نبره صوت عمها خليل صرامه وحزم وهو يقول اظن انا قلت غيري وتعالي اتعشي .. مش هكرر كلمتي تاني .. يلا 
ادركت ايمان ما يرمي اليه عمها فأجابته في طاعه حاضر يا عمي 
بعد مده ليست بالكبيره خرجت ايمان وذهبت اليهم وجلست علي المائده دون ان تلتفت اليه أو تري نظراته التي تكاد ان تفتك بها .. ظلت تقلب في طبق الطعام دون ان تأكل في الوقت الذي كاد ان ينهي الجميع طعامهم فانتبت اليها زوجه عمها مكلتيش ليه يا ايمان !! 
نظرت اليها بنفس مكسوره قائله ما انا قلت لكم مليش نفس بس محبتش ازعل عمي 
كان ينظر اليها بين الحين والاخر في ڠضب وغيره شديده كلما تذكر ذلك الشخص الذي كان معها .. جزء منه يحدثه بانها ليست تلك الفتاه التي تفعل امورا مثل هذه .. وجزءا اخر يقول له لما لا !! فقد قضت خمس سنوات في المانيا بين الانحلال الثقافي وقله الحياء .. وبين ذلك وذلك لم يتوصل لها هي .. لم يحاول التعمق بأفكارها وشخصيتها الفريده .. حكم عليها فقط بما راته عينيه واراد الاڼتقام لقلبه وارضاء غروره الذي سيدفع ثمنه ندما بعد ذلك .. تناول كأس من العصير بعد ان انهي طعامه ثم ارتدي نظارته وهو يقول بابا .. ماما .. في موضوع حبيت ابلغكم بيه 
انتبهو له فاكمل وهو ينظر اليها من اسفل النظاره انا قررت اخطب 
ما ان وقعت تلك الكلمه علي مسمعها حتي دق قلبها پغضب وكانه علي مشارف الصرع .. علي عكس والدته التي تهللت اساريرها ظنا منه انه سيتقدم لخطبه ايمان فاردفت مسرعه بفرحه دا يبقي يوم المني يا حبيبي اخيرا هتفرحنا بيك 
ردد والده في سعاده ظنا منه ايضا انه يحب ابنه عمه والله يا ابني انا كمان نفسي تستقر واشيل عيالك .. شوف انت هتعمل ايه واحنا معاك 
ردد عمر وعينيه معلقه علي ايمان بحيث كده تمام .. بكره ان شاء الله بالليل تيجو معايا عشان نتكلم في الرسميات والذي منه... 
نظر كل من الحاج خليل وزوجته لبعضهم البعض ثم توجهو بنظرهم اليه مرددين في ان واحد ايه!! .. 
فهم عمر ما كان يخططون له وشعر بانتصار عظيم فقال هو ايه اللي ايه !! .. مش المفروض برضه انكم اهلي وتيجو معايا امال هروح لوحدي !! 
قال واحده بابهام وعدم فهم 
ومين دي وهتروح لها فين !!
اجابه عمر واحده اعرفها اسمها مريم عماد .. 
ثم اكمل حديثه وهو يرمي بالحديث علي ايمان بنت محترمه ومتربيه كويس والوحيده اللي اقدر استأمنها علي اسمي وشرفي 
فاض الكيل بها بعد كل تلك الاټهامات التي لم تعرف من اين اتي بها .. نهضت من علي سفره الطعام وهي تحاول بقدر المستطاع التمسك بالثبات عن اذنكم يا جماعه .. محتاجه ارتاح شويه .. تصبحو علي خير 
ليسرع عمر اليها قائلا ايه يا بنت عمي !! مش هتقوليلي مبروك !!
نظرت له ايمان بابتسامه مزيفه متصنعه اللامبالاه لا طبعا ودي تيجي !! .. الف مبروك وربنا يتمم لكم علي خير ويجعلها خير زوجه ليك .. عن اذنكم 
ابتسم عمر بنصر بعد ان شعر بقهرها فنظر الي والده وقال ها يا والدي !! هتيجي معايا بكره انت والحاجه ولا ايه !!
نظرت اليه والدته بعتاب ثم تركته وذهبت فنظر هو الي والده وهو ينتظر رده فنطق والده وهو يضرب بيده فوق بعضها لله الامر من قبل ومن بعد .. ربنا يهديك يا ابني 
تناول عمر مفاتيحه وهو ينوي