الأسيره الجزء الثاني والاخير

نفس الشخص اللى خطڤها ....
اللواء أسامه عايزك تتعاون انت وحازم فى القضيه ...والبنات دول لازم يرجعوا بأسرع وقت 
حسن تمام يا فندم ... دلوقتى أنا قدرت اوصل لعنوان الشخص دا وهخرج من هنا عليه ...ومعايا أمر قبض عليه على ذمه التحقيقات...
أسامه معاك يا حسن كل الصلاحيات 
المهم خليك حريص فى كل حاجه ....
عند لورا 
تنزل لتجد سامر يجلس بهول الفندق 
كانت لورا شاهقه الطول ترتدى ملابس أنيقه للغايه ومٹيرة تجعلها محط أنظار كل من يراها بإعجاب 
سامر وهو يشعر بالغيرة عليها 
ايه الداعى من الملابس دى يا لورا 
لورا وهى تجلس وتضع رجل فوق رجل أنا حرة ...شئ ما يخصكش 
سامر عارف انك متضايقه منى ..بس انا لازلت بحبك يا لورا وبغير عليكى 
لورا وهى تضحك بسخريه انت اخر واحد تتكلم عن الحب ...ثم لو سمحت 
ادخل فى الموضوع انا معنديش وقت 
سامر انا معترف بغلطى ..ونفسي تديلى فرصه تانيه أكفر بيها عن خطأى 
لورا آسفه ...انت أصبحت ماضى وانتهى بقلم منال عباس....وصفحة وقفلتها أو بمعنى أصح صفحة سودا كانت فى حياتى وقطعتها ....
سامر انا غلطت يا لورا ومعترف بذنبي ...بس انا مستعد لأى حكم منك 
إلا أن انتى تبعدى عنى 
ليجد صوت من وراءه يصفق له 
ماهى برافووو برافوووو ...انت بقيت متمكن اوووى فى تمثيلك يا سيمو. يا حبيبي ...
سامر ماهى !!!
ماهى ايوا ماهى ...ماهى اللى جيت ليها تبكى بدموع عينيك ...علشان تساعدك انك تخلص من دى ..وأشارت إلى لورا ...
سامر انتى تخرسي خالص ..وما تجيبيش سيرة لورا تانى ...
لتنطق لورا اظن الوقت انتهى ومايشرفنيش اقف معاكم اكتر من كدا وتركتهم وغادرت ....
عند سميه وسماح 
سميه سماح انا حاسه بدوخه وعايزة أرجع ...
سماح الف سلامه عليكى حبيبتى..
ونادت سماح على أحد الأشخاص ويدعى فرغلى 
سماح انت يا عم انت ...البنت تعبانه اوووى ..ومحتاجه اى مسكن ...
فرغلى وانا اجيبلك منين ...اسكتى انتى وهي .لتبدأ سميه فى التوجع أكثر وبصوت أعلى وصړيخ مش قادرة ...جنبي بيتقطع ...ھموت وبدأت ترجع الطعام الذى تناولته ...
فرغلى لصديقه البنت شكلها تعبانه فعلا 
صديقه انت رأيك ايه 
فرغلى نتصل بالباشا وجيه ونعرفه 
وهو يقرر نعمل ايه 
وبالفعل اتصل فرغلى على وجيه وأخبره بتعب إحدى الفتيات ...
وجيه هو يوم باين من أوله وقرر الذهاب إليهم .....
عند حسن 
يصل حسن الى منزل أحد الأشخاص المسئول عن الخطڤ ويدعى فرغلى 
حسن وهو يسأل زوجه فرغلى 
حسن فين فرغلى
الزوجه مش هنا ...انت مين ...
حسن هيرجع امتى 
الزوجه هو مالوش وقت ....ديما مش بيرجع غير لما يخلص شغله مع الباشا 
حسن باشا مين 
بدأت الزوجه تخاف منه 
الزوجه انت مين ..وايه لازمه الاسئله دى كلها وحاولت غلق الباب فى وجهه 
ولكن حسن فتح الباب وأخرج بطاقه تعريف الهويه لتعرف أنه ضابط 
حسن هتقولى هو فين ولا تحبي تشرفي معايا فى التخشيبه على ما نوصل ليه 
الزوجه هو عمل ايه يا باشا ....
حسن زوجك ...ولم يكمل الجمله ...ليجد أمامه على الترابيزة 
موبايل مثل الموبايل الذى شاهده مع سماح من قبل 
حسن الموبايل دا بتاع مين 
الزوجه پخوف ولجلجه دا ..دا ...دا موبايل فرغلى لسه شاريه امبارح 
أخذ حسن الموبايل ليجد صورة الشاشه هى صورة سماح 
حسن يا ولاد الكلب ....كان قلبي حاسس ... انطقى زوجك فين
الزوجه هو بيشتغل سواق ..عند وجيه بيه ...
حسن وجيه بيه مين وعنوانه ايه ...
الزوجه والله ما اعرف ...كل اللى اعرف أنه شغال سواق ل وجيه بيه ومعرفش حاجه تانيه ...
حسن تمام ...وأمر بوضع الحراسه فى محيط المنزل لحين عودته ....
عند سميه 
يشتد الألم عليها لتبكى من شده الالم 
سماح حرام عليكم البنت ھتموت 
فرغلى البنت شكلها تعبانه فعلا 
صديقه معه ما نقدرش نعمل اى حاجه ..من غير أمر وجيه باشا ...
فرغلى وهو يتذكر أخته وۏفاتها 
لعدم اسعافها فى الوقت المناسب 
فرغلى لا انا هروح اى صيدليه. .مش هينفع نسيبها اكتر من كدا ...
فرغلى قولى ممكن اشترى ليكى ايه يريحك ..
سماح هات ورقه وقلمه اكتب ليك تشترى اي .ليها بقلم منال عباس
...واضح أن دى الم الزيادة الدوديه ...
سميه مش قادرة استحمل يا سماح ...ھموت 
سماح اطمنى حبيبتى وبدأت تكتب بعض المسكنات حتى يحضرها الخاطف 
فرغلى انا هروح على اقرب صيدليه 
خلى بالك على مارجع ولم يكمل ليجد صوت يرد عليه من خلفه .....يتبع
البارت الثامن عشر
بعد أن اشتد الالم على سميه ..
فرغلى انا هروح على اقرب صيدليه 
خلى بالك على مارجع ولم يكمل ليجد 
صوت يرد عليه من خلفه
وجيه على فين يا فرغلى ...شكلك كبرت وخرفت ...من امتى وانت بتخالف كلامى 
فرغلى وجيه باشا ...انا ...انا 
وجيه بعصبيه انت ايه 
فرغلى البنت تعبانه اووووى يا باشا ..وكنت هجيب ليها علاج 
وجيه لما انا اوافق يبقي تتصرف ...
فرغلى وهو ينظر إلى الأرض بقله حيله ...
سماح انت يا راجل انت بقلم منال عباس...انت ايه ما عندكش رحمه ...مش شايفها بتتألم ازاى 
وجيه لسانك الطويل دا هقصه ليكى ...بس عارفه عجبتينى يا بت 
سماح بت لما تبتك ...انت انسان مش طبيعي ....وهتندم على بتعمله دا ...
وجيه شكلى هبدأ بيكى ...وابقي ورينى هترفعى صوتك عليا ازاى بعد كدا ...
ونظر للشخص الآخر ...
وجيه ابعتلى البت دى على الفيلا بتاعتى ......
الآخر أمرك يا باشا ...
سماح مش هتحرك من هنا الا على جثتى ...
نظر وجيه إلى الآخر والذى فهم مقصده ...ليضربها ضربه على رأسها جعلتها تفقد الوعى وحملها إلى سيارة وجيه ..
سميه پتألم حرام عليكم ...هى عملت ايه لكل دا 
وجيه وهو ينظر ل فرغلى ..
مع انك غلطت غلطه كبيرة بس هعديها بمزاجى ...وروح هات العلاج وانا منتظرك ...
وبالفعل ذهب بسرعه فرغلى وقاد سيارته إلى اقرب صيدليه ...
فرغلى وهو ينهج ممكن يا دكتور اعمل مكالمه ضرورى ...
الطبيب بقلق ليه .....بقلم منال عباس ...
فرغلى ..هتسمع المكالمه ارجوك دى مسألة حياة أو مۏت ....
وأخذ هاتف الطبيب واتصل على ............. .
فرغلى بعد أن أنهى المكالمه ...
شكرا يا دكتور ...وجميلك دا مش هنساه ليك ...
الطبيب بحذر انا مش عايز ادخل فى اى مشاكل ...
فرغلى اطمن يا ابنى ....وأخذ الدواء وعاد بسرعه ....
عند حازم 
يرتدى حازم جلباب بلدى ويضع شنب ويلزقه بإحكام ...
ويمسك بعكاز ...ويخرج من حجرته 
كريمه باستغراب ...
كريمه ايه اللى. انت لابسه دا يا حازم ..ثم ليه واقف على رجلك وانت لسه ما خفيتش يا ابنى ...
حازم فى شغل مهم يا ماما ...وارجوكى انا هنزل دلوقتى ومش عايز حد يعرف حاجه...لو سلمى سألت عليا ..عرفيها انى نائم 
كريمه بتقلقنى ليه يا حازم ...فى ايه 
حازم مجرد شغل ..يلا سلام وتركها ونزل على السلم وهو يستند على العكاز .....
تتصل بسرعه كريمه على سلمى مخالفه كل حديث حازم 
كريمه بصوت منخفض الو 
سلمى ازيك يا طنط ..
كريمه انا كويسه ..مش عارفه اقولك ايه ...
سلمى فى ايه يا